Василий Блаженный Московский (Нагой) самый знаменитый в России юродивый, жизнь которого полна чудес и таинственных историй. Уже при жизни его почитали как святого, а сам царь, Иоанн Грозный, побаивался юродивого и терпеливо сносил обвинительные и резкие слова святого.
Блаженный Василий Московский еще при жизни сподобился даров: предвидения будущего, чудотворения, видения духовного мира. Чудеса спасения и исцеления по молитвам к Блаженному Василию, а так же от его мощей, происходят и в наши дни.
В каких случаях молятся Блаженному Василию Московскому
Как и ко всем святым, к Блаженному Василию можно молиться и обратиться с любой просьбой, но более всего к нему обращаются: об исцелении от недугов, о сохранении от пожара, о даровании смирения и терпения, о добром нраве властей.
МОЛИТВЫ ВАСИЛИЮ БЛАЖЕННОМУ
Молитва блаженному Василию Московскому об исцелении родных и близких
О угодниче Христов, преблаженне Василие! Услыши ны, многогрешныя, ныне вопиющия к тебе: помилуй ны, раб Божиих (имена), и умилосердися над убожеством нашим! и молитвами твоими исцели всяк недуг и болезнь души и тела нашего грешнаго, и сподоби ны течение жизни сея невредимо, от видимых и невидимых враг, и безгрешно прейти, и христианскую кончину непостыдну, мирну, безмятежну, и Небеснаго Царствия наследие получити, со всеми святыми, во веки веков.
Молитва блаженному Василию Московскому от болезней и в горести
О великий угодниче Христов, истинный друже и верный рабе Всетворца Господа Бога, преблаженне Василие! Услыши ны многогрешныя, ныне вопиющыя к тебе и призывающыя имя твое святое: помилуй ны припадающыя днесь к раце мощей твоих: приими малое наше и недостойное сие моление, умилосердися над убожеством нашим, и молитвами твоими исцели всяк недуг и болезнь души и тела нашего грешнаго, и сподоби ны течение жизни сея невредимо от видимых и невидимых враг безгрешно прейти, и христианскую кончину непостыдну, мирну, безмятежну, и Небеснаго Царствия наследие получити со всеми святыми во веки веков. Аминь.
Молитва к блаженному Василию Московскому от слепоты, болезней ног и кожных болезней
О блаженная душе, о премудрости исполненный разуме: возсия бо нам светонезаходимое солнце веселия, просвещая Российское царство: от бесов уязвленных исцелитель, паче же и самих бесов прогонитель, слепым прозрение, хромым хождение, сляченным исправление, болящим всем исцеление и здравие: от бед и скорбей избавление, печальным утешение.
Молитва к блаженному Василию Московскому о здравии и просьба о помощи
О, вели́кий уго́дниче Христо́в, преблаже́нне Васи́лие! Припа́дающе к ра́це моще́й твои́х, с любо́вию, с ве́рою лобыза́ем честны́й твой о́браз, ча́юще от него́ си́лою Бо́жиею получи́ти исцеле́ние душ и теле́с на́ших, прославля́ем вели́чество Вседержи́теля Бо́га, Его́же ты душе́ю и те́лом твои́м в жи́зни сей просла́вил еси́, тве́рдость ве́ры и любве́ твое́й ко Го́споду Савао́фу, пропове́дуем кре́пость твоего́ ду́ха и, воспомина́юще вели́кие по́двиги доброде́тели твоея́, вопие́м к тебе́ из глубины́ серде́ц на́ших: не промолчи́ вопи́ти за ны ко Го́споду Бо́гу, те́лом бо твои́м пребыва́еши с на́ми на земли́, ду́хом же почива́еши на Небеси́ во объя́тиих Зижди́теля твоего́.
Предста́тельством у́бо твои́м у Престо́ла непристу́пныя сла́вы, испроси́, да почи́ет и на нас Дух Бо́жий, дух прему́дрости и ра́зума, дух сове́та и кре́пости, дух ве́дения и благоче́стия и стра́ха Бо́жия, и да не пре́зриши многогре́шных на́ших моле́ний.
Се мы, предстоя́ще в хра́ме, посвяще́нном и́мени твоему́ свято́му, воспису́ем ти похва́льная си́це: ра́дуйся, богоблаже́нне Васи́лие, я́ко ты, возненави́дев вре́менная ми́ра, богоуго́дно подвиза́лся еси́ и на высоту́ доброде́тели восте́кл еси́. Ра́дуйся, я́ко потща́лся еси́ победи́ти страсть со все́ми поро́чными ея́ скло́нностьми и дарова́ний Свята́го Ду́ха сподо́бился еси́.
Ра́дуйся, я́ко в терпе́нии и страда́нии храбр яви́лся еси́ и вся стре́лы лука́ваго разже́нныя погаси́л еси́. Ра́дуйся, я́ко жела́нием от исто́чник Изра́илевых всегда́ почерпа́я, благода́ти Бо́жия преиспо́лнен был еси́. Ра́дуйся, я́ко взем яре́м спаси́тельнаго словесе́ Христа́ Бо́га на́шего, попра́л еси́ всю горды́ню ми́ра. Ра́дуйся, я́ко посреде́ молв безмо́лвие сохрани́л еси́, мысль твою́ бы́стро устремля́я к Го́рним. Ра́дуйся, я́ко ты мече́м духо́вным во́лю хоте́ния твоего́ отсеца́л еси́ и стопы́ ра́зума твоего́ утвержда́л еси́ на ка́мени любве́ Христо́вы. Ра́дуйся, я́ко совле́клся еси́ тле́нных одея́ний и обле́клся еси́ в но́ваго челове́ка, обновле́ннаго кро́вию Христо́вою. Ра́дуйся, я́ко вме́сто тле́нных бога́тство духо́вное собра́л еси́ и нача́тки трудо́в Христу́ Бо́гу на́шему прине́сл еси́. Ра́дуйся, я́ко и по сме́рти Госпо́дь яви́ тя нам исто́чника исцеле́ний. Ра́дуйся, я́ко сла́вы и бога́тства не восхоте́в, вся в ничто́же вмени́л еси́, да Христа́ приобря́щеши, Его́же и стяжа́л еси́ мно́гими труды́ и терпе́нием. Ра́дуйся, я́ко ны́не, соединя́яся с Бо́гом, непреста́нным Его́ зре́нием наслажда́ешися и обита́еши во блаже́нной ве́чности. Ра́дуйся, я́ко насыща́ешися благи́ми, и́хже о́ко не ви́де, и у́хо не слы́ша, и на се́рдце челове́ку не взыдо́ша, я́же угото́ва Бог та́ко возлюби́вшему Его́, поспешеству́й у́бо моли́твами твои́ми, избра́нниче Бо́жий, да и мы на земли́, совоку́плени крепча́йшим любве́ Бо́жия сою́зом, великоду́шно понесе́м благо́е Ева́нгелия и́го и благода́тию Свята́го Ду́ха да сподо́бимся вкуси́ти и насыща́тися ве́чно с тобо́ю Небе́сных немерца́емых благ. Ами́нь.
А вы знаете, что на блоге вы можете найти: