Молитвы, читаемые при эпидемии

Молитвы, читаемые при эпидемии

Сейчас, в период мировой эпидемии, церковь усердно молится за здравие своих соотечественников. Проводятся водосвятные молебны о спасении от коронавируса, читаются специально составленные Священным Синодом молитвы от коронавируса.

Представляю вашему вниманию три молитвы, созданные в 2020 году, которые читают при эпидемии.

ТРИ МОЛИТВЫ ОТ КОРОНАВИРУСА

МОЛИТВА ВО ВРЕМЯ ЭПИДЕМИИ

Го́споди Бо́же наш, не вни́ди в суд с рабы́ Твоими, и огради́ нас от губи́тельнаго пове́трия на ны дви́жимаго.

Пощади́ нас смире́нных и недосто́йных рабо́в Твои́х в покая́нии с те́плою ве́рою и сокруше́нием серде́чным к Тебе́ милосе́рдному и благопремени́тельному Бо́гу на́шему припа́дающих и на ми́лость Твою́ упова́ющих.

Твое́ бо есть, е́же ми́ловати и спаса́ти ны, Бо́же наш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

Текст утверждён Патриархом Московским и всея Руси Кириллом в 2020 г.

МОЛИТВА ПРИ ПОВЕТРИИ 2

Бо́же Вели́кий и Вы́шний, Благоутро́бный и Человеколюби́вый Влады́ко, услы́ши нас недосто́йных рабо́в Твои́х, во мно́жестве ми́лости Твоея́ и низпосли́ нам по́мощь Твою́ во вре́мя наше́ствия боле́зни губи́тельныя на род челове́ческий, Твое́ю Кро́вию иску́пленный.

Ве́мы Го́споди, яко согреши́хом пред Лице́м Твои́м и грехо́м на́шим несть числа́. Но умилосе́рдися и отврати́ от нас гнев Твой пра́ведный на ны дви́жимый.

Не прогне́вайся на ны зело́, Ты бо рекл еси́, яко ра́дость быва́ет на небеси́ о еди́ном гре́шнице ка́ющемся. Приими́ ны́не и на́ше покая́ние, сле́зы и смире́нныя моли́твы возноси́мыя из глубины́ серде́ц на́ших пред святы́м олтаре́м Твои́м.

О́тче щедро́т, Бо́же вся́кого утеше́ния, укрепи́ ны моли́твами Преблагослове́нныя Влады́чицы на́шея Богоро́дицы, си́лою Честна́го и Животворя́щего Креста́, свята́го великому́ченика и цели́теля Пантелеи́мона, святителя Луки, исповедника Кры́мскаго, святы́х враче́й и цели́телей на́ших: Агапи́та, Дамиа́на, Ипа́тия Пече́рских и Все́х святы́х земли́ на́шея и прекрати́ боле́зненное пове́трие и отжени́ от нас вся́кую боле́знь и не́мощь, да изба́вльшеся от вся́кия напа́сти Руко́ю Твое́ю кре́пкою, порабо́таем Ти со вся́ким благодаре́нием. Да я́ко и ны́не причаща́ющеся Твоего́ неизглаго́ланнаго Человеколю́бия, пое́м и сла́вим Тя, Творя́щаго вели́кая и чу́дная, сла́вная же и изря́дная6.

Я́ко Ты еси́ Исто́чник исцеле́ний, Бо́же наш, и Тебе́ сла́ву возсыла́ем, Отцу́ и Сы́ну, и Свято́му Ду́ху, ны́не и при́сно, и во ве́ки веко́в. Ами́нь.

Текст утвержден Блаженнейшим Онуфрием, Митрополитом Киевским и всея Украины в марте 2020 г.

МОЛИТВА ВО ВРЕМЯ ЭПИДЕМИИ

Влады́ко, Го́споди Бо́же наш, при́зри ми́лостивно с высоты́ святы́я сла́вы Твоея́ на моли́тву нас, гре́шных и недосто́йных рабо́в Твои́х, бесчи́сленными греха́ми и беззако́ниями на́шими Твою́ бла́гость прогне́вавших, и милосе́рдие Твое́ удали́вших.

Не вни́ди в суд с раба́ми Твои́ми, но отврати́ стра́шный гнев Твой, пра́ведно на нас дви́жимый, укроти́ губи́тельное наказа́ние, удали́ стра́шный меч Твой, неви́димо нас поража́ющий.

Пощади́ нас, гре́шных и недосто́йных рабо́в Твои́х, и не обрека́й на смерть ду́ши на́ша, и́бо мы зна́ем своя́ прегреше́ния и с сокруше́нным се́рдцем, и со слеза́ми к Тебе́, Милосе́рдному Бо́гу на́шему в покая́нии припа́даем и проще́ние согреше́ниям на́шим пода́ти про́сим.

Влады́ко, Вседержи́телю, Врачу́ душ и теле́с на́ших, смиря́яй и вознося́й, наказу́яй и па́ки исцеля́яй, простри́ мы́шцу Твою́ испо́лнену ми́лости и милосе́рдия, и исцели́ боля́щих, запрети́ дух́у не́мощи, отжени́ вся́кую боле́знь на нас дви́жимую, прости́ нам вся́кое согреше́ние, во́льное же и нево́льное, и спаси́ ду́ши на́ша, я́ко Благ и Человеколю́бец. Ами́нь.

Из циркулярного письма митрополита Минского и Заславского Павла, Патриаршего Экзарха всея Беларуси от 17.03.2020


А вы знаете, что на блоге вы можете найти:  книги, видео, аудио файлы, молитвы?
А ещё у нас есть форум для совместного  общения.

Оставить комментарий

Ваш адрес email не будет опубликован. Обязательные поля помечены *

Что будем искать? Например,Человек

Мы в социальных сетях